السلام عليكم
دابا تنشوفو هاد الاخفاق ديال الاسود بسبابو تنبغيو نموتو, او المسؤولين عايشين او مامسوقين لينا لا للرياضة المغربية.
عقلتو من مور الفينال ضد تونس فاش خسرنا, كل الاعلام المغربي بدا تيقول راه ربحنا فريق لي نعولو عليه في المستقبل.
ههههه ايوا فين هو هاد المنتخب ديال السبوعا؟
بلا ماتصدعو راسكم او بالمواضيع على المنتخب راه غادي نبقاو هاكا حتى يجي واحد الجيل لي يهز الرياضة الوطنية للاعالي
راه في هاد السنين الاخيرة كل المجالات تراجعت من رياضة الى ثقافة الى تعليم الى صحة الى عدل, فقط الاقتصاد او الغلاء داير فينا مابغا.
المسؤولين همهم الوحيد هو المنصب و مشاريعهم الشخصية و لا مكان للشعب في اجندته.
خوتي باين غادي نشدو فشي سبات طويل
المرجو عدم الازعاج فالمغرب نائم في هذه الاوقات
و لا حول و لا قوة الا بالله
الأحد نوفمبر 22, 2009 5:04 am
